ادخل واكتبلنا موقف اثر بيك

في يوم من الايام كنا ندرس بالصف وكان الدرس الرابع او الخامس ما اتذكر بالضبط وهذا الشي من كنت بالخامس اعدادي يعني ثاني ثانوي
كاعدين وبامان الله وداندرس عربي وفجأة سمعنة صوت انفجار او صاروخ وكع
احنة بصراحة نرعبنه بس الادارة هدئتنا شوية وكالت الانفجار بعيد احنة شوية ارتاحينا بس بقوا البنات يبكون ومرعوبين واني ما ادري شلون اواسي هذه وامسح دموع الثانية وبعدين اجت ام صديقتي على المدرسة جان تكلي الانفجار صار بمدرسة دجلة الي هي حايط على حايط وية مدرستنا واني اخوية بالمدرسة اني نهاريت لان ما اعرف شنو اسوي اخوية بالمدرسة
المهم طلعت اركض انه دا اطلع من المدرسة وطبعا الادارة مخلوني بس عاندتهم وطلعت
وصلت قريب بابا المدرسة فشفت سيارة اولدز موبيل ضربت طلقات والله ستر ردت انضرب لان الضرب جان عشوائي وبعدين المدرسات جابو الاطفال الباقين بالمدرسة على مدرستنا واجاني اخوية يركض يكلي تعرضنا لمحاولة اغتيال ههههههههههههههه
المهم رحت لبيت عمي الي هو بيت صديقتي نفس الشي ههههههه
جان تدك الساعة ومتنا من الخوف من صوت الساعة
وبعدين اجو اهلنا واخذونة وصاني يوم من الصبح صار انفجار هز المجمع هززز مابقى تبريد ماخرب وتكسر ومابقت باب ومابقى شباك ماتكسر البيوت انهدت على اصحابها السيارات راحت الاطفال انهاروا العمارات تنشال وتنركع بالكاع ومبقى مسجل مانضرب بالكاع
تريدون بعد لو كافي
ههههههههه
طبعا غير الضحايا الي راحوا والدنيا شتاء وشنو صار بعد
يعني بين قوسين ماساة
ومن وكتها اني اخاف من اي صوت وعاشو عيشة سعيده
سوري طولت عليكم