فضل الأم ( مسرحية)

* فضل الأم* مسرحية
( ديكور غرفة معيشة تظهر فيه " ياسمين و أختها رحاب و هما تجهزان حقيبة المدرسة بينما الأم تحضّر الفطور)
ياسمين و رحاب : صباح الخير يا ماما
الأم : صباح الخير يا حبايبي
ياسمين : أحمد أخويا مش راضي يصحى
رحاب : أنا زعلانه قوي يا ما ما
الأم : ليه يا حبيبتي ؟
رحاب : علشان أخويا أحمد ما بيسمعش الكلام
و ما بيكتبش الواجب
الأم :: ربنا يهديه يارب .. أحمد .. أحمد .. قوم يا حبيبي هتتأخر على المدرسة
أحمد : حاضر .. حاضر .. دلوقتي أقوم
( بعد تناول الفطور أخذوا حقائبهم و ذهبوا إلى المدرسة)
الأم : طريق السلامه .. طريق السلامه
يا حبايب قلبي .. يا روح قلب ماما
رب يخليكم .. و يبارك فيكم
و تعيشوا العمر في عزّه و كرامه
طريق السلامه
ياسمين : بحبك يا ماما .. بحبك يا ماما
و حبك في قلبي .. غصن زيتون و حمامه
بحبك يا ماما
( و عند عودتهم من المدرسة رمى أحمد حقيبته على الأرض )
أحمد : الأكل جاهز؟؟؟!!!
الأم : حالا يا أحمد إلاّ قول لي عملت إيه إنهارده في المدرسه؟
أحمد : أبدا إدوني جواب إنذار و قالولي تعالى بكره و معاك وليّ أمرك
الأم : ليه كده يا أحمد ؟! عمايلك دي مش هاتعدي على خير
لا بتصلي و لا بتذاكر و لا بتسمع الكلام
أحمد : إبقي إتصلي ببابا و قولي له
الأم : يا أحمد يا حبيبي الحكايه مش حكاية بابا و لاّ ماما
بس لازم يكون عندك ضمير و تتعلم و تذاكر كل دروسك
و رسولنا قال لنا ( أطلبوا العلم من المهد إلى اللحد)
( تظاهر أحمد بالإهتمام و جلس ليتناول الغداء مع أمه و أختيه)
رحاب : عارفه يا أمي ليه شهدك كلنا بنهواه؟
علشان في كل لقمه هنيه
بتوزعي علينا الحنيه
و القاعده معاكي حلوه يا أمي
بتنسيني مشاكلي و همّي
ياسمين : شوفتي يا ماما ؟
شهادتي أنا و رحاب أختي
من الأوائل و الحمد لله
الأم : مبروك يا حبايبي
عقبال أخوكم أحمد يارب
أحمد : يوووووووووه .. أنا داخل أنام شويه و بعدين أقوم أذاكر
( رأى أحمد في المنام أن والده إتصل من السعودية و طلب الأم لتؤدي فريضة الحج و تركتهم و حدهم بدون رعاية و مرض أحمد و إرتفعت حرارته فبكى بكاءا شديدا )
أحمد : قلبي عندك يا أمي
في الأرض الطاهره بيسمّي
و بيدعي تجيني بألف سلامه
يا أعزّ الناس على قلبي يا ماما
( و جاءه صوت أمه من بعيد )
الأم : سلامتك ألف سلامه
و إن شا لله انا
أتحمّل تعب الدنيا و العذاب و الضنا
و لا تتألم ثانيه
دي سلامتك بالدنيا
سلامتك ألف سلامه
( إستيقظ أحمد من نومه مذعورا و ندم على سلوكه و عاهد نفسه أن يكون ملتزما)
الأم : أحمد إنت صحيت؟ بسرعة كده؟
( نظر إليها بأسف شديد و قبّل يدها و إعتذر)
أحمد : أنا آسف يا أمي .. سامحيني
مش هاعمل كده تاني صدقيني
هاصلي فروضي إن شاء الله و هاكتب واجبي و أذاكر دروسي
و هاسمع الكلام صدقيني يا أمي
( فرح الجميع بهذا الموقف الرائع و سعدت به الأم جدا و قبّلتهم جميعا)
ياسمين: بوسه على إيد ماما
و بوسه كمان ع الخد
رحاب : و حب كتير ياما
حب ما لهوش حد
أحمد : و فرحه و إبتسامه
و شوق ما يتعد
الأم :الأم مش محتاجه شيء
غير بسمه على وش إبنها
ياسمين : الأم واحه في ساعة الضيق
نجري عليها نضمها
أحمد : و لما بنتوه في الطريق
بنلاقي روحنا عندها
رحاب : واجب علينا كلنا نبوس إيديها و خدها
أحمد : لو محتاجاني بس قولي أو حتى شاوري
تلاقيني جاي لك قوام جاي بجري
الأم : كفايه جايتك ليا بالسلامه
صدقني هديتك عندي هي إبتسامه
كفايه ضحكتك ترن كده ف وداني
ياسمين : أمي الحبيبه أمي الغاليه
بحبك حب حب ياه
مش قادره أوصفه و أنا حاساه
و بنن عيني أنا شايفاه
رحاب : حب مخليني .. يا أمي و نور عيني
بحب الناس و الكون و الحياه
بحبك يا أمي و حبك في دمي
ماية المحاياه
أحمد : حب بيرويني
حب بيهديني
طريق النجاه
إدعي لي يا أمي
إدعي لي و سمي
سمي بسم الله
نبدأ أجمل حياه
تأليف/أحلام شحاته

رووووووووووووووووووووووووووووعه حبيبتي الغاليه احلام 

موضوع جميل جدا 

يسلموا ايديك 

تمتعت بقراءتها 

دائما تتحفينا بمواضيعك الجميله 

لك كل محبتي

باسند كتب:

رووووووووووووووووووووووووووووعه حبيبتي الغاليه احلام 

موضوع جميل جدا 

يسلموا ايديك 

تمتعت بقراءتها 

دائما تتحفينا بمواضيعك الجميله 

لك كل محبتي

حبيبتي الرائعة الأستاذة /باسند
و الله أنتي الروعة و لست أنا
بارك الله فيك و أسعدك
كما تسعدينني بتشجيعك لي
تحياتي و مودتي

الاديبة الراقية احلام شحاتة

لقد قراءت مسرحيتك بكل اهتمام واعجبني طريقة سردك وتوضيفك الشخصيات باسلوب جميل

وهذه هي الام التضحية والحياة كلها ولااحد يقدر يجازيها ابدا سوى رب العالمين

مسرحية في غاية الجمال

هذا هو قلم احلام شحاتة الذي يستحق الاحترام والتقدير

تقبلي مني ارقى التحايا

مصطفى الشبوط كتب:

الاديبة الراقية احلام شحاتة

لقد قراءت مسرحيتك بكل اهتمام واعجبني طريقة سردك وتوضيفك الشخصيات باسلوب جميل

وهذه هي الام التضحية والحياة كلها ولااحد يقدر يجازيها ابدا سوى رب العالمين

مسرحية في غاية الجمال

هذا هو قلم احلام شحاتة الذي يستحق الاحترام والتقدير

تقبلي مني ارقى التحايا

سيدي الفاضل الأستاذ /مصطفى الشبوط
إنه لمن دواعي سروري أن تنال مسرحيتي
المتواضعة إعجاب حضرتك فهذا من فضل الله سبحانه و تعالى
و هذا كرم منك سيدي
تحياتي و تقديري

ايمان الساكت كتب:

الاديبة الراقية/ احلام شحاته


 مسرحية غاية فى الروعه والاتقان

 وتوظيف للابطال فائق الروعه

  وسرد للاحداث فائق الجمال

  سلمتى على روعة طرحك

  فيض ودى

الأستاذة الرائعة/إيمان الساكت
بارك الله فيك حبيبتي على مرورك الرائع
تحياتي و مودتي