من كام سنة ..

موضوع: من كام سنة .. السبت أكتوبر 15, 2016 2:13 pm

من كام سنة ..

[ندعوك للتسجيل في المنتدى أو التعريف بنفسك لمعاينة هذه الصورة]

من كام سنة ..
كانت قلوب الناس ربيع
يشبه للون الأمنيات الممكنة
حبة سعادة منطورين
فوق الوشوش .. ف الأمكنة
حبة رضا متمكنين
من قلب عاشق للحياة ..حبة غنا
كل القلوب ..
كانت بيبانها المفتوحين ..على بعضها
بعد العشا .. متجمعين
والراديو .. يشبه للعريس
والبطارية "موصلة"
و"الست" حفلتها الخميس
والصمت فى حرم الجمال ..آخر جمال
كنا عيال على اى حال
بس الصفات الحلوة فينا "مأصلة"
والشعر كان ... حلقات سجال
سمعت فيها عن "البارودى"
وشوقى بيه
وعرفت بيرم من جدودى
الله عليه
من كام سنة ..
كل الحاجات الحلوة كان بينهم صلة
قبل الفطار .. و ف كل دار
كانت "طابونة" الدار ..
"بتخبز" للجميع
والبيت صغير .. مش كبير
لكن مساحة "الستر" فيه
اكبر كتير
كانت "طبالى" الحى يجمعها "الشبه"
من كل صنف عليها منه شويتين ..
صحة وهنا
كان عندنا ..
حبة براح للكل .. حتى ف قلبنا ..!!
من كام سنة ..
كان فيكى نخوة .. وفيه كبير
كان اى شاب "اوام" يغير
على بنت ساكنة ف حينا
لتشوفها عين عابر سبيل
كل البنات .."كات" اختنا
من كام سنة ..
من قبل م يقولوا إنفتاح
ماكنتش ماشية سداح مداح
كان فيه براح بيضمنا
مرت سنين ..
وبقينا "نقتل" بعضنا ..!!

الشاعر السكندرى: سعيد شكرى

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: من كام سنة .. السبت أكتوبر 15, 2016 2:27 pm

كلام جميل و يبنطبق علينا كلنا

نعم من كام سنه كان كل شيء جميل و له طعم مختلف

سلمت الايادي اخي محمد فرج

تحياتي

________________________________________________________________________

التوقيع
[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: من كام سنة .. السبت أكتوبر 15, 2016 4:11 pm

القديرة/باسند

[ندعوك للتسجيل في المنتدى أو التعريف بنفسك لمعاينة هذه الصورة]