الحكاية بدأت فعنابر

[ندعوك للتسجيل في المنتدى أو التعريف بنفسك لمعاينة هذه الصورة]

انا ظابط جيش خليك فاكر
انا اللى قضيت عمرى كله مسافر
الحكاية بدأت فعنابر
والسراير مرصوصة جنب السراير...
...
الكلام بحساب
الحركة بحساب
والأكل بحساب
ثااااااااااااااااااابت
الشاويش والصول والظابط واقفين عالباب
اجرى يلا الطابور
الدخول والخروج بالدور
اجمد واثبت يا بطل
مفيش حاجة اسمها مش قادر
عدت شهور وسنين
وبقينا ظباط جامدين
مسئولية وغربة وعساكر
روح هناك.......حاضر
تعالى هنا.........أوامر
انا تمام التمام وحاضر
مين فيكو نام غير على سريره؟
انا بقا من كترهم مش فاكر
كام مرة جعت عطشت ؟
انا مش فاكر
اكتر مرة فيها وقفت؟
برضو انا مش فاكر
ولادك يكبروا قدامك
وانا كأنى مهاجر
طيف وضيف فبيتى
يلا جهزى الشنطة بكرة مسافر
جاى امتى؟
انتى بس كترى الشرابات واللبس والغيارات
طالعين المرادى مشروع
وبعدها كام موضوع
مقدرش اقول
ممنوع
ومعرفش جاى امتى م الآخر

م النجمة صاحى
روحى على كفى وعلى كتفى سلاحى
سامع ياثورجى
سامع يا إخوانى
سامع ياصباحى
انا كل خطوة بخطيها بأوامر
انا دمى بيسيل وانت بتتاجر
ورا الميكروفونات كرافتات وفساتين وحناجر
كلام فكلام مناظر فمناظر
الزم حدودك أدب
لومحدش ادبك انا قادر
عشان واحد قليل الأدب يقول عسكر وعساكر
كلكو منافقين
شلة منتفعين
والمستخبى اكتر م الباين
استر ياساتر
البرادعى هرب
خالد على قليل أدب
وبنت محفوظ مشافتش اصلا ادب
والأسوانى حرامى ادب
انا اللى عاملك قيمة ياناكر
اقرا من اول مينا
ولحد ثورة يناير
عرابى كان بطل
وخطر التتار لحد عندنا بطل
ومحمد على لحد اوروبا وصل
وركعت اسرائيل تحت بيادتى
روح شوف حسابك فالبنوك
اسمع كلام اسيادك يامملوك
عارف انا مين ياصعلوك
انا اللى صوتى كبر فى السما ولا مش فاكر
بردانة يابلد والدفا غالى
سرقوا غطاكى وناموا هما فقصور بسور عالى
اصغر عسكرى فينا اغلا من الغالى
انا غنوتك يابلد وانتى موالى
انا عريسك شهيدك يا حلالى
انا اللى قضيت عمرى كله مسافر
انا ضابط "جيش" خليك فاكر .