ايران اعلنت بشكل رسمى صلحها مع الغرب ، و طبعا الحصار عليها هينتهى ، و المشروعات هتكتر ، و هيحتاجوا عمالة رخيصة ،و طبعا مفيش ارخص من العمال المصريين ، فلغت تأشيرة الدخول للمصريين .
احمد شاب مصرى مسلم سنى ، مش ﻻقى فرصة عمل فى مصر ، و ميقدرش على تكاليف عقد عمل فى الخليج او تكاليف دخول اوربا تهريب عبر البحر ، هيﻻقى الطريق مفتوح و السفر سهل و مش محتاج غير أجرة المواصﻻت .
سافر و هناك مفيش اسهل من انه يتشكل ، الوظيفة موحودة و مع الوظيفة سكن معقول و بنت جميلة معروضة عليه يتجوزها لو عاوز الفترة اللى هيقضيها هناك و بعد كدا يسيبها او يخدها معاه ، مفيش مشكلة و كله قانونى و كله مفيش فيه اى عيب لكن بشرط واحد هو ان احمد يبقى شيعى بدل سنى
احمد ضعيف و بصراحة هيفرح و هيحاول يثبت انه شيعى ابا عن جدا ، و هيقول ابويا كان بيشيعنى اجيب له سجاير من الدكان و انا اااد كدا ، و امى كانت بتشيعنى اجيب لها الطلبات ، و هيﻻقى الحياة سهلة و يقول الناس فى بلدنا كانوا فاهمين الدين غلط ... و يبتدى يتعلم الصح !!!
ولما يرجع مصر بقى يقول كنا فاهمين غلط و يبتدى يعلمهم الصح ، و يغير اسمه و يبقى سماحة العﻻمة آيه الله احمد اﻻجاوى ،، اصله من اجا دقلية يعنى ، و يبتدى ينقل للناس اللى اتعلمه و هيﻻقى اللى يقبل منه خصوصا انه نضف و بقى بيلمع و ساكن فى بيت كويس و راكب عربية كويسة
بعد فترة لما يسافر ناس كتير و يرجعوا بعد ما بقوا ايات الله و خدوا دورات متطورة فى قم يعملوا حزب النور الشيعى و يبقى عندنا حزبين زور ، واحد سعودى و واحد ايرانى و يكتروا بقى وﻻد المرة اللى جابونا ورا
😄
الخميس أبريل 11, 2024 10:27 pm
