سنقدم لكي في هذا المقال معلومات منزلية ستاعدك علي توفير وقتك وجهدك معا خاصة إذا كنتي اما عاملة كما ستساعدك علي حل العديد من المشكلات في منزلك .
1- لما تيجى تعملي فراخ بانيه او بوفتيك افردي كيس بلاستيك وحطى عليه البقسماط والتتبيلات وتبلي عليه وبعدين لما تخلصي لمى الكيس وارميه على طول وبكدا هتوفري غسيل طبق وهتحمى حوضك من الانسداد بسبب البقسماط اللي بيقع في الحوض اثناء غسيل الطبق .
2- لو وقع منك زيت على الارض متجريش تجيبى فوطة وتمسحيه لا رشى عليه ملح وسبيه دقيقتين تلاتة وبعدين اكنسية بالمقشة والجاروف واتفاجئي بالسحر زي ما يكون مافيش حاجة وقعت علي الأرض .
3- حطى حتة فحم في طبق صغير في اى مكان بيطلع روائح كريهة أو غير مستحبة زى الجزامات والتلاجة والفريزر وأى خزين بتسحب كل الروائح تماما .
[size]
4- لما يقع منك بيض ني على الارض او على التربيزة طبعا اوعى تمسحيه بفوطة لا امسحيه بمنديل كلينكس وارميه على طول لأن الفوطة بتبقى ريحتها وحشة اوى لو مسحتى بيها بيض ني حتى بعد الغسيل وكذلك اللبن أيضا .
[/size]
[size]
5- ما تمسحيش رخامات المطبخ بالكلور امسحيها بالخل بيقتل الجراثيم ومادة طبيعية .
[/size]
[size]
6- لو عندك حاجة نحاس متجبيش نحيتها مايه بنص ليمونة وادعكيها هترجع جديدة زي ما كانت وكمان ريحتها حلوة .
[/size]
[size]
7- لو عندك مكواه بخار وحاسة ان كفائتها قلت حطى في خزان الماية خل وسخنيها وسبيها ربع ساعة في الفيشة على اعلى درجة حرارة وبعدين اضغطى على دافع البخار لحد ما يتبخر كل الخل حتلاقي طلع حاجات كدة زى الطين ودى رواسب الماء لما بيغلي ويتبخر وكررى الطريقة مع مايه عادية مرتين لشطف خزان الماء وبفوطة مبلولة امسحى الرواسب اللي خرجت حتلاقيها رجعت جديدة زي ما اشترتيها .
[/size]
[size]
8- لو عاوزة عيون البوتجاز الاستانلس تبرق انقعيها مع قشر ليمون ومايه سخنة وخل في طبق وبعدين بصابونة وش لوكس او كامى او اى حاجة حطى منها حته على ليفه وادعكى هترجع جديدة
[/size]
[size]
9- حطي في الباسكت اللي في الغرف اكتر من كيس فوق بعض بحيث يتملي واحد تشليه تلاقي واحد مكانه وبكدة توفري وقتك في تغيير الكيس كل يوم .
10- دايما خلى عندك فرشة بايد وهاتى علبة شاور جل او علبة شامبو فاضية وحطى فيها سائل تنظيف ممكن تحطى كلوركس كلين وانتى بتغسلي وشك الصبح حطى شوية سائل وادعكى الحوض في اقل من دقيقة يبقى زى الفل .
11- اول ماتصحى الصبح وانتى لسه بتلبسي شبشبك علطول عدلي ملاية السرير والمخدات وبكدة تكونى خلصتى من مهمة يومية من غير ماتخدي بالك .
12- وانتى واقفه تعملى الشاى ولا النسكافيه بيتاعك الصبح على ما الماية تغلي روقى درفة واحدة في المطبخ تكون عاوزة تتروق
[/size]
الخميس أبريل 11, 2024 10:27 pm
