يـا بيــــــــاع الفُــــل ؟؟ ليــــــــــه بيهـــــــــادوه للأحبـــــــــاب

يا بياع الفُل ليه بيهادوه للأحباب صغير الحجم لكن يعشقه العشاق
رد علىّ البايع وقال انا فُلى عامله عقد
فُلى اغلى من الماس لو يهديه حبيب لحبيب يبقى أعز الناس
الفُل رسول الغرام والقلب ليه ميال
الحب زى الفل لونه ابيض وشفاف وسهم الهوى ملوش فى الطب علاج
قلت له احكى لى عن الفُل وقول موال
=======
سرح شويه وقال :
انا عملت بياع فُل أبيع الفُل فى الشارع زباينى
أهل الغرام الماشيين فى الشارع فى يوم ساعة العصارى
شاورت لى صبيه بأيديها غزاله جميله شارده ويا الهوى
وعايزه فُله فى ايديها اديتها الفُل كله علشان تختار لوحديها
اختارت من الفُل عقد وحبيبها دفع ليها
اختارت من الفُل عقد زاد الجمال بيها
وطيور المحبه غردت بالحب حواليها
=====
وتانى عام وفى نفس المكان شفت الصبيه بتبكى بحرقه ونار
قربت منها اسأل ايه اللى حصل ليها
ردت والدموع نازله تجرى من عنيها
بكت وناحت وقالت سيبنى ابعد الفُل عنى
اللى حبيته خان وجرحنى والتمن كان فُله
====
قلت لها لا ياصبيه عمر الفُل ما كان غدار
الفُل ابيض يا حلوه والغدر فى قلوب الناس
واللى يحب حبيبه بالصدق والاحساس
عمره ما يعرف غدر وقلبه يتملى اخلاص
يا ظالم الفُل اعتذر واعرف الاسباب
تلاقى السبب دايماّ قلوب بلا احساس
يا ظالم الحب وجريت عليه فى الشارع
حب الشوارع بلا هويه من غيرعنوان
الحب طريق الامان وهو كمان ايمان
حب الشوارع ظلام مهما كانت الانوار
الحب الحقيقى ييجى لك لباب الدار
الحب بره الدار حب الديابه للغزلان

[ندعوك للتسجيل في المنتدى أو التعريف بنفسك لمعاينة هذه الصورة]