عجينة الملفاى أو الفيتاج

[ندعوك للتسجيل في المنتدى أو التعريف بنفسك لمعاينة هذه الصورة]

المقادير:

1/2 كيلو دقيق
1/2 كيلو زبدة
كوب ونصف مياه
2 ملعقة عصير ليمون
1/2ملعقة صغيرة ملح

الطريقة :

– أول حاجة جهّزي قالب الزبدة؛ افرديها في كيس بلاستيك بسُمك 1/ 4 سم، وحطّيها في التلاجة علشان تتجمد.

*العجينة:

– قومى بوضع الدقيق والملح وعصير الليمون في العجانة وشغّلي العجانة، وضيفي عليها المياه تدريجيًّا علشان تقدري تتحكمي في العجينة.

– اتركى العجينة تتعجن لمدة 3 دقائق على السرعة الأولى، ولو حسيتي إن العجينة محتاجة مياه كمان ممكن تزوّديها؛ لأن ده بيكون على حسب نوع الدقيق.

– بعد ما العجينة تتعجن خديها وادخليها في كيس بلاستيك، واتركيها لمدة نصف ساعة علشان تبقى جاهزة للتشكيل.

– بعد النصف ساعة رشّي دقيق على سطح أملس وافردي عليها العجينة، وبعدين نظفيها من الدقيق كويس، وضعى قالب الزبدة جواها، وطبّقيها من الأربع الأجناب بشكل الظرف.

– بعد ما تطبّقيها رشي عليها دقيق من فوق وتحت، وافرديها بهدوء بسُمك نصف سم؛ لحد ما تحسي إن الزبدة اندمجت في العجينة تمامًا، ونظفيها من الدقيق كويس، وبعدين طبّقيها مرة كمان زي الظرف، وضعيها في كيس بلاستيك، ودخّليها التلاجة لمدة ساعة.

– هتكرري الخطوة السابقة لمدة 4 مرات؛ ولكن دون إضافة الزبدة؛ يعني هتفرديها بارتفاع 1/ 2 سم، وبعدين تطبّقيها وتحطيها في كيس بلاستيك وتدخّليها التلاجة؛ والخطوة دي هي اللي بتخليها تكون مورقة وهشّة.

*بعد ما العجينة تكون جاهزة ابدئي شكّليها؛ ودي ممكن تعملي منها أصناف كتيرة زي الساليزون.

وبالصحة والهنا,,

________________________________________________________________________

التوقيع
[ندعوك للتسجيل في المنتدى أو التعريف بنفسك لمعاينة هذه الصورة]

الاستاذة العزيزة كاميليا
[ندعوك للتسجيل في المنتدى أو التعريف بنفسك لمعاينة هذه الصورة]

________________________________________________________________________

التوقيع

[ندعوك للتسجيل في المنتدى أو التعريف بنفسك لمعاينة هذه الصورة]

يسلموا ايديك حبيبتي كاميليا

لذيذه جدا

تقبلي تحياتي

________________________________________________________________________

التوقيع
[ندعوك للتسجيل في المنتدى أو التعريف بنفسك لمعاينة هذه الصورة]

ا/ كاميليا

سلمتى على الاكله الجميله

طبق شهي ولذيذ

ارق التحايا

________________________________________________________________________

التوقيع
[ندعوك للتسجيل في المنتدى أو التعريف بنفسك لمعاينة هذه الصورة]

» عجينة البيتزا
» طريقة عجينة التميس
» عجينة العشر دقائق
» عجينة الكنافة في بيتك ومن صنع يدك
» عجينة العشر دقايق للفطاير