مش كل حاجة ياست الكل بإصولها؟!!

مش كل حاجة ياست الكل بإصولها؟!!

زى الملايكة ف السما سارحة
وانا اقصى طاقتى انى أشب لفوق
مترين تلاتة ومهما زاد الشوق
بكتيرها نطة وتستلمنى الأرض !!
وتمطوحينى ف عرضها وطولها
مش كل حاجة ياست الكل بإصولها؟!!

وبتكسفينى بضحكتك لما
بتلاقى روحى ف الهوا طايرة
مش طايلة روحك -- نفسها تطولها
و راح تطولها ازاى وامتى وفين؟
طب اوصفيلى ازاى وانا اعملها !!
مش كل حاجة ياست الكل بإصولها؟!!

حالك بيفرق عننا أحوال
والإيد قصيرة والعيون فنجال
والقلب سامع كل مابيتقال
نستنى ليه الناس وتأويلها ؟
مش كل حاجة ياست الكل بإصولها؟!!

الحب ده مش شيخ وله كرامات
الحب حبة بيزرعوها اتنين
نرويها صبر تعدى م الأزمات
تكبر وتطرح ضل ع الجنبين
نهملها طيب --- مين اللى هيعولها ؟!
مش كل حاجة ياست الكل بإصولها؟!!

ادينى نفحة من كراماتك
راضى بقليلى معاكى وحياتك
حلفت بيكى واليمين صادق
عمرك بيارق ضى لو فاتك
ايه راح يعزى الوردة فى دبولها ؟!
مش كل حاجة ياست الكل بإصولها؟!!

الشاعر :سعيد شكرى

تسلم الايادي اخي الغالي محمد فرج على هذا الاختيار الجميل للشاعر سعيد الشكري

ربي يسعد ايامك

تقبل مني ارقى التحايا

________________________________________________________________________

التوقيع

[ندعوك للتسجيل في المنتدى أو التعريف بنفسك لمعاينة هذه الصورة]

أ/ محمد فرج

سلمت على روعة الآختيار

كلمات جميله المعانى

ارق التحايا

________________________________________________________________________

التوقيع
[ندعوك للتسجيل في المنتدى أو التعريف بنفسك لمعاينة هذه الصورة]

يا أديبنا الأصيل
يا أستاذنا النبيل
أشكرك جزيل الشكر
على إنتقاءك الجميل
أستاذنا محمد فرج القدير
لسموك الغالي أسمى آيات الإحترام والتقدير

الأستاذ العزيز الغالي الرائع المبدع المتميز@المهندس الاستشاري محمد فرج
[ندعوك للتسجيل في المنتدى أو التعريف بنفسك لمعاينة هذه الصورة]

________________________________________________________________________

التوقيع

[ندعوك للتسجيل في المنتدى أو التعريف بنفسك لمعاينة هذه الصورة]

» عظمه ياست
» دي حاجة تفرس
» دموع أنت في حاجة إليها
» اكثر حاجة احبها بزوجي
» الكل معزوم هنا اتفضلوا