الدرس انتهى........ صلاح جاهين

الدرس انتهى

الدرس انتهى لموا الكراريس
بالدم اللى على ورقهم سـال
فى قصـر الأمم المتــحدة
مسـابقة لرسـوم الأطـفال
ايه رأيك فى البقع الحمـرا
يا ضمير العالم يا عزيزى
دى لطفـلة مصرية وسمرا
كانت من أشـطر تلاميذى
دمها راسم زهرة
راسم رايـة ثورة
راسم وجه مؤامرة
راسم خلق جباره
راسم نـار
راسم عار
ع الصهيونية والاستعمار
والدنيا اللى عليهم صابرة
وساكته على فعل الأباليس
الدرس انتـهى
لموا الكراريس ..

ايه رأى رجـال الفكر الحر
فى الفكرادى المنقوشة بالدم
من طفل فقير مولود فى المر
لكن كان حلو ضحوك الفـم
دم الطـفل الفـلاح
راسم شمس الصباح
راسم شـجرة تفاح
فى جناين الاصلاح
راسم تمساح
بألف جناح
فى دنيا مليانة بالأشبـاح
لكنـها قلـبها مرتــاح
وساكتة على فعل الأباليس
الدرس انتـهى
لموا الكراريس …

ايه رأيك يا شعب يا عربى
ايه رأيك يا شعب الأحـرار
دم الأطـفال جايلك يحـبى
يقول انتـقموا من الأشـرار
ويسيل ع الأوراق
يتهجى الأسـماء
ويطـالب الآبـاء
بالثـأر للأبـناء
ويرسم سيف
يهد الزيـف
ويلمع لمعة شمـس الصيف
فى دنيا فيها النور بقى طيف
وساكتة على فعل الأباليـس
الدرس انتهى لموا الكراريس

عزيزي حمدي عصام فتح الله

شكرا لحضورك المتميز

تقبل تحياتي

الاستاذة القديرة باسند

اشكرك على اختيارك الاكثر من رائع للعملاق صلاح جاهين

تقبلي مني ارقى التحايا

مصطفى الشبوط كتب:

الاستاذة القديرة باسند

اشكرك على اختيارك الاكثر من رائع للعملاق صلاح جاهين

تقبلي مني ارقى التحايا

لك كل شكري ياغالي عالمرور الجميل

تحياتي

وعند إنتقاءك ورقي إختيارك
أقف لساعات وساعات
غاليتي باسند أيتها الراقية
حرفكِ دوماً آثاره باقية
في الروح وفي الفكر
فأنهار عطاؤكِ لنا الإبداع ساقية
تحياتي لكِ يا ألق على ذوقكِ اللبق
لكِ تقديري ومحبتي وسع الأفق

الأستاذة الرائعة باسند

سلم إختارك الرائع

تحياتي و دعواتي