كعب_داير.......قصيده للشاعر سعيد شكري

كعب_داير.......قصيده للشاعر سعيد شكري

[ندعوك للتسجيل في المنتدى أو التعريف بنفسك لمعاينة هذه الصورة]

بتشوف ف مراية أحوالك
واحد تانى
يشبهلك ..
لكن مش زيك
والفرح اللى انت بتتمناه
بيشاغلك لكن ..
مش جايلك
علشان الضى اللى ف روحك
وف قلبك
عاجز مش طايلك ..!!

وتعيش اللحظة ورا التانية
متكتف .. بحبال الماضى
وكأنك .. من عالم تانية
ولانك عايش مش راضى
بتعلق روحك ف الساقية
والكعب الداير .. ع الفاضى
وبتفضل .. من غلطة لغلطة
وتعذب روحك بعمايلك ..!!

إنسان .. من كوكب احلامك
وعجين الصدق اللى ف روحك
متشكل على قد مقامك
والفوضى بتقتل ف طموحك
والدنيا بترمح قدامك
والصبر " يتبل " ف جروحك
وينخور ف العضم الناشف
ببعذب روحك .. ويعايرك ..!!

مش زمنك ولا وقتك خالص
ولا حتى مقدر تتعافى
سكين الحظ اللى موالس
بتشق قلوبنا الشفافة
وياريتها " بتخلص " خالص
ونجرب تانى على نضافة
وتكمل ف الكعب الداير
وتحايل روحك .. وتحايلك
وتشوف ف مراية احلامك
واحد تانى ..
يشبهلك .. ومسالم زيك ..!!

الشاعر سعيد شكري

[ندعوك للتسجيل في المنتدى أو التعريف بنفسك لمعاينة هذه الصورة]

اخي محمد فرج

سلمت الايادي عالاختيار الجميل

تقبل تحياتي

________________________________________________________________________

التوقيع
[ندعوك للتسجيل في المنتدى أو التعريف بنفسك لمعاينة هذه الصورة]

القديرة /باسند

[ندعوك للتسجيل في المنتدى أو التعريف بنفسك لمعاينة هذه الصورة]

» نوبة_بكا.......قصيده للشاعر سعيد شكري
» مافيش_فكة ........قصيده للشاعرالسكندرى سعيد شكري
» قصيده للشاعر العراقي عبد الرزاق عبد الواحد تتحدث عن مظاهرة يوم الجمعة في بغداد
» قصيده أيا شعب مصر لعبدالرحمن بن صالح العشماوي
» قصيده روعه أنا السبب لشاعر // أحمد مطر