طوبى لمن رزقه الله ببنت. ففي البنات القوة والحنية وتحمل المسئولية والنقاء والجمال وكل شيء حسن. ومع فخرنا ببناتنا، قد نواجه – خاصة في مجتمعاتنا – كثير من التحديات والأسئلة في تربية البنات تحديدًا. لذلك أعددنا في “ابني بُكرة” مجموعة من المبادىء الضرورية المساعدة في تأدية رسالتك بتنشئة بنت عظيمة بحق.
١- المشاعر
☜ اسألها عن مشاعرها
من أهم مفاتيح التعامل مع البنات هي مشاعرها، شجعها بانك تسألها عن مشاعرها في المواقف اللي بتحكيها معك .. وانتبه كويس وانت بتسمعها.
☜ اتعاطف معها
مش دايمًا تقدم لها نصائح وعظات .. حط نفسك مكانها وساعدها تعبر عن المشاعر بحرية ليك انت. ده بيخليها تحس انها مفهومة ومهمة عند أقرب حد ليها، وبيحفظها من مخاطر كتير مع الوقت.
٢- الكلمات
☜ خلي كلامك عنها إيجابي
البنت بالذات بتبقى حساسة جدًا للكلمات، علشان كده خلي كلامك إيجابي عنها وعن شخصيتها وطريقتها، ده بيساعدها ترسم صوره حلوة عن نفسها، وبيساعدها تتصرف بطريقة صحيحة زي ما زرعتي فيها. وهتلاقي – على منصة ابني بُكرة – كورسات عملية جدًا هتساعدك في التواصل أفضل مع بنتك.
٣- المسئوليات
☜ اديها مسئوليات تناسب سنها
ابدأئي بمسئوليات بسيطة ولما تعمل المسئوليات دي شجعيها كتير، وكبري المسئوليات شوية شوية، واستمري في تشجيعها في كل مرة بتكون أد المسئولية حتى لو كانت المسئولية دي بسيطة. ده بيساعدها تثق في قدرتها، وتتحمل المسئولية، وتكون اقوى مع الوقت، ويساعدك في ده الكورسات المتاحة على منصة ابني بكرة .
٤- القرارات
☜ دربها على اتخاذ قراراتها
بنتك بتكبر وهتكون محتاجة تاخد مئات القرارات بنفسها في المدرسة والشارع وفي كل موقف، فحلو انها تتعلم تاخد قراراتها بنفسها وبثقة وهية صغيرة. شجعها على القرارات الصح وقلها كانت صح ليه، وساعدها تقيم ايجابيات وسليبيات قرارتها ببساطة. ده هيعلمها تاخد القرارات الأكبر بطريقة أفضل وثقه أكبر.
٥- ادعم دور الأب في حياتها
☜ شجعي بابا إنه يديها اهتمام أكبر
البنت القوية من جوه هي اللي باباها بيسمعها باهتمام، بيهتم بيها وبتفاصيل حياتها، بيحضنها، بيتكلم ويفكر معاها ويشجعها. ده بيخليها أقوى وأنضج على المستوى الشخصي، وكمان في التعامل مع الأولاد مايتدحكش عليها بسهولة من اي كلمة حلوة تسمعها.
منقول
الخميس أبريل 11, 2024 10:27 pm
