طريقه عمل كرات الكيك

طريقه عمل كرات الكيك

[ندعوك للتسجيل في المنتدى أو التعريف بنفسك لمعاينة هذه الصورة]

الاغراض اللي بتحتاجينها :

علبه وحده كيك جاهز اي نكهه جوكلت او فراوله او فانيلا اللي يعجبج ..

كريمة الجبن او اي كريمه

400ج جوكلت خاص بالطبخ (نوعيه جيده )
اعواد المصاص او اعواد الباربيكيو ( الاستغناء عن العود)

سباركلز للزينه

مقادير كريمة الجبن:

50 غرام زبده ( مايعادل نص اصبع واحد فقط) بدرجة حرارة الغرفه

نص كوب جبن فيلادلفيا او كيري (7 حبات ) بدرجة حرارة الغرفه
كوبين سكر ناعم
ملعقه صغيره فانيلا

الطريقه:

اخبزي الكيك بنفس الطريقه الموضحه عالعلبه ..

[ندعوك للتسجيل في المنتدى أو التعريف بنفسك لمعاينة هذه الصورة]

في اثناء ماتكون الكيكه فالفرن حضري الكريمه

( بخفق الزبده والجبن والفانيلآ واخر شي السكر الباودر بالتدريج )

اتركي الكريمه على جنب

وبعد ماتبرد الكيكه فتتيها باليد او بمكينة الفود بروسسر

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

بالتدريج ضيفي الكريمه على الكيك وحركي بالشوكه (--- بالتدريج----)

اعجني باليد علي خفيف لين ماتتشكل عندج مثل العجينه

وتقدرين تشكلين منها كور متماسكه نوعآ ما
مرات نحتاج نبرد العجينه ..فنخليها نص ساعه فالثلاجه !

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

كوري العجينه كور بالحجم الوسط ( تقريبآ اصغر من كرة تنس الطاوله)

بتكفي العجينه تقريبآ ل 50 حبه ..

ثبتي عليهم العيدان ..
( تقدرين تستغنين عن العود ووقت التغميس ترفعين كل كوره بالشوكه )

[ندعوك للتسجيل في المنتدى أو التعريف بنفسك لمعاينة هذه الصورة]

حطيهم في صينيه فيها ورق زبده ..وخليهم فالفريزر 20 دقيقه تقريبآ

طلعي الصينيه من الفريزر

ذوبي الجوكلت المكسر ( ابيض او بني ) في المايكروييف

لمدة 50 ثانية على قوه متوسطه

[ندعوك للتسجيل في المنتدى أو التعريف بنفسك لمعاينة هذه الصورة]

غمسي كل حبه بالجوكلت ..

( اهم شي مايكون الكيك مثلج او باااارد وايد زياده عن اللزوم )

ولو نسيتيه فالفريزر طلعيه وقت التغميس
وانتظري لحد ماتكون برودته معتدله
... هاي سر من اسرار التغليف الجيد..
واذا جمد الجوكلت معاج وانتي تغمسين
حطي نقطة زيت عادي للجوكلت وبيرجع طبيعي ،،
تحملي تضيفين ماء خطأ كبير وبيخترب عندك الجوكلت ،،،

هاي سر ثاني

[ندعوك للتسجيل في المنتدى أو التعريف بنفسك لمعاينة هذه الصورة]

رجعي حطي الحبه المغلفه في ورق زبده

ورشي السباركلز من فوق قبل لا ينشف الجوكلت

[ندعوك للتسجيل في المنتدى أو التعريف بنفسك لمعاينة هذه الصورة]

في نوعين ..نوع بالجوكلت من داخل

ونوع بالفانيلا من داخل

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وتفضلو مدو ايدينكم لاتستحون

________________________________________________________________________

التوقيع
[ندعوك للتسجيل في المنتدى أو التعريف بنفسك لمعاينة هذه الصورة]

كاميليا

رووووعة

تسلم ايديك حلى فاخر وطعمه اكيد لذيذ

ماننحرمش

شكرا لك

» أسباب فشل الكيك
» نصائح لنجاح الكيك الاسفنجية
» الكيك بالجوز
» الكيك الرُخامي
» تزيين الكيك