صعب الشعور
ترد الكف بالكف بس ترى كفك اقوى
وتسقيني بنفس الكاس يا مر كاسك
يا سيد الناس ومالك الاحساس
قصدت تغيب وانا غيبتي بدون مقصود
احاول ما اجرح شعورك وربي بحالتي ادري
*******
تراني جد مضبوطة
انافس عقرب الساعة
احير كل هالعالم
اوقعهم بنظراتي
شعاري لا لغلطاتي
ولا للالم يعلا منصاتي
احب الحب في ذاته
ولكن اكره اوجاعه
اشوف الحر يتلفت ولا عنده امل فيني
ولا يلحق بخطواتي
نجوم الليل اقرب له من طعم الحلا بشفاتي
*******
مليك القلب شعورك غير
ملكني بليل
غيابك لخبط اوضاعي
وخلاني شبه موجود
رجعني للورى بسرعة
ادور من يزكيني ولكن الأمل مفقود
حساباتي في مجملها ضرب قسمه وبعض كسور
اجرب اعدل الميزان
وترجح كفتك فيني
اعيد القسمه من اول
وارتب جدول اعمالي
اجي واروح اميداليد ولا القاك
صعب الشعور
يوم تختنق
تدور دفا
ترجي أمان
صعب يوم تضمى ولا تلقى رشفة حنان
*******
تقول احب الخد واتمنى الامس حمرته فيكي
واذوق شفاه بلون الورد وريق من العسل احلى
فديتك يوم انا جيتك
وفستاني زهر وورود
عطور الكون تغشاني
وتغمرني برياحينه
سواد الليل قلب انوار
وظلم الكون عدل وسموح
واليوم هان الخد دموع العين ارهقته
جف الريق ونفسي عافت الدنيا .....
الأماكن
الخميس أبريل 11, 2024 10:27 pm
