هتاكلوا ايه بكره؟

الزوجة : تأكلوا ايه بكرة؟
الزوج : أي حاجة.
الزوجة : يعني أيه أي حاجة؟ أنت مش عايز حتى تساعدني باقتراح.
الزوج : أعملي لنا بامية و أرز.
الزوجة : لسة واكلين بامية من 3 أيام.
الزوج : طيب أيه رأيك في فتة و كوارع.
الزوجة: كوارع ايه في الحرّ ده.
الزوج : أعملي يا ستي محشي ورق عنب و لحمة محمرة.
الزوجة : هو أنا لسة ح أنزل أشتري ورق عنب و أغسله و أقطعه و أعمل الخلطة و أحشي , و أحمَّر ؟ الرحمة شوية حرام عليك أنا بني آدمه.
الزوج : طيب شوفي أي حاجة سهلة و موجودة عندك و أعمليها و خلاص.
الزوجة : يعني مافيش مرة عايز تريحني و تجاوبني , دايماً ايدك في المية الباردة.
الزوج : طيب, قولي اقتراحات و أنا اختار منها.
الزوجة : اقتراااحااات؟ يعني أنا مش عارفة أختار صنف واحد , و أنت عايزني اقول اقتراااحاات.
الزوج : ايه رأيك ناكل أكلة خفيفة, مثلاً علبة تونة و جبنة و زيتون؟
الزوجة : بلاش عك , أنا بفكر أعمل مكرونة و كبدة بانية و شوية بطاطس شيبسي؟
الزوج : برافو عليكي و على أفكارك.
الزوجة : هو ده اللي أنت فالح فيه.
و في اليوم التالي اتصال تليفوني من الزوجة للزوج:
الزوجة : ألو , هات معاك حاجة ساقعة و أنت جاي, بس تكون صودا عشان طلبت سمك مشوي و أرز ( دليفري ).
الزوج : أنتي مش قلتي ح ناكل مكرونة و كبدة و بطاطس؟
الزوجة : و الله أنا من ساعة ما صحيت و أنا بغسل و اشطف الولد و أحمي البنت و انضف الزريبة اللي ولادك عاملينها , ح اجيب وقت منين أنزل و اشتري و اطبخ ؟ حرام عليكم بقى أنتم ما بتبطلوش طلبات.
الزوج : عايزة الحاجة الساقعة ايه ؟ "سبرايت" و لا "سفن أب"؟
الزوجة : أي حاجة.
الزوج يرجع الى البيت و يجلس الى المائدة و يمد يده ليخرج قارورة "سبرايت " من الكيس و يضعها على المائدة.
الزوجة : ايه ده ؟ يعني مكنتش قادر تجيب سفن أب ؟ أنت دايماً ذوقك غريب كده.
الزوج يمد يده للكيس و يخرج قارورة (ثانية) سفن أب و يضعها على المائدة.
الزوجة : طبعاً من أنت مش خاسس عليك حاجة أقعد انت بعزق في الفلوس و آخر الشهر تقول لي المرتب بيروح فين, عرفت يا بيه المرتب بيروح فين؟.
الزوج : يأكل في صمت.
الزوجة : ها , ما قولتليش , تاكلو ايه بكرة ؟

الاستاذه/ احلام


يعينى على الزوج الغلبان


اللى وقع مع زوجه رغايه

وما بتقول كلمه شكرا ابدااا

سلمتى على البسمه الحلوه

ايمان الساكت كتب:

الاستاذه/ احلام


يعينى على الزوج الغلبان


اللى وقع مع زوجه رغايه

 وما بتقول كلمه شكرا ابدااا

سلمتى على البسمه الحلوه    

الأستاذة الرائعة

إيمان الساكت

مرورك أسعدني جدا

هههههههههههههه

يا ه ده مسكين قوي

ربنا يكون في عونه

شكرا لك حبيبتي احلام

صحيح يوجد نسوان في هالدنيا ما يعجبهم العجب

تحياتي

باسند كتب:

هههههههههههههه

يا ه ده مسكين قوي

ربنا يكون في عونه

شكرا لك حبيبتي احلام

صحيح يوجد نسوان في هالدنيا ما يعجبهم العجب

تحياتي

صحيح


حبيبتي الغاليه

باسند

مرورك أسعدني جدا

تحياتي و مودتي

كاميليا كتب:

هههههههههه

دا انا تعبت عن الزوج

ولو منه لكنت طلقتها بالتاته هههههههه

تسلمى احلام على تعب الاعصاب ده

ههههههههههههههه

دمتى فى سعاده

حبيبتي الغاليه

أستاذة كاميليا

ربنا يسعدك

هي فعلا زوجة مشكلة

مرورك أسعدني جدا

محمد فرج كتب:

[ندعوك للتسجيل في المنتدى أو التعريف بنفسك لمعاينة هذه الصورة]

الأستاذ الفاضل

محمد فرج

مرورك و لا أروع

تحياتي و دعواتي