غيابك سبّب أوجاعي وأنا من غيبتك يعقوب
رفيقي حزن والظلمى وانـا واقف على بابي
وحلم أيتام كنت أحلم أحط الطوب فوق الطوب
بنيت ولا سكنت إلا بشقاي وحرقة أعصابي
ألم من غيبتك يكوي ودمعْ / الجفن منه يذوب
أنا من فقدك أخشى أفقد دموعي بمحرابي
جسد ذاوي بقى عقبك يناشد هالهموم اتوْب
عذاب أعيشه بإنذار الوعيد أعضه بنابي
آلااا يا حظي العاثر آلااا يا حبي المنكوب
قوافل حلمي تلاشت و ضاعت من يدِّ ركابي
أبدفع من ضرايب غلطتي صار الغلط محسوب
كأني قد جمعت ذنوب خلق الله على حسابي
أتمتم داخلي وأسأل من الجاني من المضروب
ألاقي حكم يدفعني على قبري من إضرابي
أنادي ياجبل مكه على أسمك صار لي محبوب
وهو يدري بأنّه باقي أول و آخر أحبابي
هـلاك أشبه بعثراتي يورثني آسى مكتوب
أحاول ألعن أفكاري و آلاقـي قبالي (كتابي)
ياحب ٍ داخلي يبقى أموت وباقي ٍ منصوب
كذا كنا.. كذا بنعيش .. و يبقى حبنا (اعرابي)
على متني حِملْ زله وأنا وإللي خلق (يَعْسُوب)
بأن الروح لآ قفت .... بعدها أتوسد ترابي
من إحساسي أبرسم داخلي حلم ٍ لنا مسلوب
أظن أجمل من سنيني و أيامي معى أصحابي
انا أدري لو تقول (الصبر مايذكر لغير أيوب)
أنا صبري نفذ و الحب في قلبي لها (رآبي)
ألآ يـا بيـر حظـي جيت لـك ظامـي وانـا مشـحـوب
عسانـي فيـك ألقـى مـايـرد الـشـوف لـ.. أهـدابـي
ترى شوفي يعود و ينجلي حزني بشّم الثوب
ابي طِـيبه علاج الشوف يخفف لوعة مصابي
إذا شمسك خذت حلمي معاها وأختفوا بغروب
باهليّّ بموتي إللي واقف انتظره على بابي
حاتم بن منصور
1/3/2010 م
الخميس أبريل 11, 2024 10:27 pm
