فنون نق النساء ... من الألف الى الياء

فنون نق النساء ... من الألف الى الياء
... الالف : اريد فلوس دأشتري هدوم
الباء : باجر لازم توصلني لبيت اهلي جيرانهم عندهم حفلة
التاء : ترى اليوم آني ممسوية عشة جيب وياك سفري.. لو تريد نطلع بره نتعشه؟
الثاء : ثلاث اسابيع ما طلعنا تمشينا يالله اليوم حظر نفسك تطلعنا الجيم :جيرانا اشترو بيجو جديدة.. احم احم.. واحنا
الحاء : حبيبى..اريد اغير ساعتي ,مليت من ساعتي الرولكس ؟؟ الخاء : خابر اهلك اليوم انت ماتروح يمهم ..انا عازمتك نتعشى بره, بس على حسابك
الدال : دور لنا على فيلا على 3 شوارع شنو يعني بيت أخوك أحسن منا
الذال : ذيج السنة (قبل 10 سنوات) قلت لك اشتريلي سيارة وانت غلست
الراء : روح قدم على اجازة و خلينة نسافر لتركيا.. غيرنا مو احسن من عدنا
الزاء : زيد مصروف البيت يعني يادوب يكفي
السين : سنتين حابسني بالبيت .. رح اطك
الشين : شيل الولد شنو متشوفة كاعد يبجي؟ مو زين خلّفته؟
الصاد : صفط هدومك بمكانهم,مليت واني ارتب وراك
الضاد : ضاع عمري وياك .. ليش شفت شي من حياتي؟
الطاء : طلع الملابس وشرهن حتى ميروح عليّ المسلسل
الظاء : ظليت تسمع حجي اهلك .. شوف شصار بينا
العين : عيوني..اليوم.. حجت اختك وياية على التلفون ياربي على هاالنفسية التعبانة
الغين : غير يا اخي ها المواضيع .. انت ليش ما تكللي احبج ؟
الفاء : فهمت عليك لا تكمّل ( تقطعلة كلامه حتى تحجي شغلة براسها) القاف : قدّر يا اخي شوية...كل شغل البيت على راسي..وانت شكو عليك يوميه طالع تفرفر
الكاف : كم مرة قلت لك أمك ماتحبني
اللام : ليش اهلك عزموا بيت اخوك وما عزمونا ؟؟
الميم : ما أجي وياك ببيت اهلك ..ما عزموني رسمي ..افتهمت؟ النون : نسيت انو باجر عيد ميلاد بنت اخويه؟
الهاء : ها ..اشو هم تأخرت ببيت اهلك؟
الواو : ولدت اخت بت خالة صديقتي.. شنوديلهم هدية؟
الياء : يالله ايدك على25000 (حمرة) حلاوة المصالحة..لانك زعلتني وكسرت خاطري


__________________________________________________

هههههههههههه

وشهد شاهد من اهلها

تسلمي قمر الزمان على الموضوع

والله يسعد ايامك

مشكورة اختي قمر الزمان

ههههههههههههههههههههههه
كل هذه طلبات والله الله يعين الرجل

صدك مضطهدينهم ومدمريهم

سلمت يدك عالموضوع الحلو

ههههههههههههههههههههههههه
ترة صدك صدك صدك خطية ليش هلكد ظالميها
بسيطة تجون نحضر شيريد الرجل من الالف الى الياء
هههههههههههههههه
تحياتي وشكري